Roshni ki aawaaz mein
Adhuri Mohabbat Ka Sach! | Surangma by Shivani | Hindi Book Review
11 Aug 2026 · 11 min
Is episode mein
Pranam doston! 'Hindi Book Reviews with Roshni' mein aap sabhi ka bahut-bahut swagat hai. Main hoon aapki dost Roshni.
Aaj hum jis kitab ka review kar rahe hain, woh Hindi sahitya ki diggaj lekhika Shivani ji kaprasiddh upanyas hai—'Surangma'. Ek lambe samay baad maine koi Hindi novel padha, aur mujhe yeh kehne mein koi jhijhak nahi hai ki yeh kitab padhna mere liye ek behad suhad aur bhavuk anubhav raha!
Pehle toh yeh kitab aasani se mili hi nahi, Amazon par badi mushkil se mili. Lekin jab maine ise padhna shuru kiya, toh Shivani ji ki bhasha-shaili ne mujhe shuruat se hi baandh liya. Shivani ji ki sabse badi khasiyat hi unki sahityik bhasha aur Kumaon ke pahaadi ilaqon ka jeevant varnan hai.
'Surangma' kahani hai un adhuri zindagiyon aur rishton ki jo samay ke sath mit te nahi. Is upanyas ka har kirdar apne andar ek gahra dukh aur raaz chhupaye hue hai. Shivani ji jis tarah se kirdaron ki manosthiti aur unke aatmasamman ko ukeerti hain, woh qaabil-e-taarif hai. Kitab padhte hue aapko kahin bhi adhoorapan nahi lagega, balki ek gehri tasalli milegi.
Mera Verdict: Agar aapko achha Hindi sahitya, bhavuk kahaniyan aur Kumaoni background pasand hai, toh 'Surangma' aapke bookshelf mein zaroor honi chahiye!
Aapko yeh review kaisa laga? Agar aapne yeh kitab padhi hai toh comment section mein apni rating zaroor dein. Channel ko subscribe karna na bhoolen!
Timestamps / Chapters 00:00 - Introduction & How I Found 'Surangma' 02:35 - Shivani Ji Ki Writing Style & Kumaon Setting 05:30 - Plot Overview & Character Analysis 08:50 - Final Rating & Book Recommendation
Hashtags