Itihaas ke Panno Se - Alexandra the Last Tsarina - Russian Rani aur Rasputin ki Kahani

Is episode mein

Namaste dosto, main Roshni, aur aap sun rahe hain Baatcheet with Roshni. Aaj ki kahani hai ek maa ki, ek rani ki, jise duniya ne galat samjha. 20vi sadi ki shuruaat mein, Russia ke Tsar Nicholas ki patni, Queen Alexandra, ek bahut hi mushkil daur se guzar rahi thi.

Alexandra Germany se thi, aur Russia mein uska swagat utna garmjoshi se nahi hua. Log kehte the ki woh bahut ghamandi hai, lekin sacchai kuch aur thi. Woh ek naye desh mein akeli thi, jahaan ki bhasha, culture, yahan tak ki dharm bhi uske liye naya tha.

Lekin uski sabse badi pareshani thi uska beta, Alexei. Alexei ko hemophilia tha - ek rog jisme khoon ka jamna mushkil hota hai. Ek choti si chot bhi jaanleva ho sakti thi. Koi bhi maa apne bacche ko takleef mein nahi dekh sakti, aur Alexandra bhi din-raat pareshan rehti thi.